Լեռնային Ղարաբաղի Հանարապետությունում գոյություն ունի պատմական հուշարձանների պահպանման գործակալություն: Այդ մասին PanARMENIAN.Net-ի թղթակցին հայտնել է ՀՀ մշակույթի եւ երիտասարդության հարցերով նախարարության պատմամշակութային հուշարձանների պահպանման կոմիտեի ղեկավար, ճարտարապետության պրոֆեսոր Արտեմ Գրիգորյանը: «ԼՂՀ-ը նորմալ պետություն է բոլոր հաամպատասխան ատրիբուտներով եւ այն, որ նրանք ունեն նույնպիսի կառույց, լրիվ հասկանալի է: ԼՂՀ տարածքում եւս գոյություն ունեն մահմեդական մշակույթի հուշարձաններ եւ գերեզմանատներ, որոնէ ոչ ոք չի ավերել»,- նշել է Արտեմ Գրիգրյան: Նրա խոսքերով, գործընկերները Լեռնային Ղարաբաղից հաճախ են դիմում Հայաստանի կոմիտեին այս կամ հուշարձանը նկարագրելու կամ համեմատելու համար:

Նշենք, որ ԼՂՀ տարածքում գոյություն ունեն երկու մզկիթ. մեկը Շուշիում` Երկնագույն մզկիթն է, շահ Աբաս II-ի ժամանակշրջանի իրանական ճարատարապետության կոթող(17-րդ դար): Հայկական առաքելական եկեղեցու Արցախի թեմի առաջնորդ Պարգեւ Մարտիրոսյանի խոսքերի համաձայն, մի ժամանակ իրանական կողմը մզկիթը վերականգնելու առաջարկով էր դիմել եւ ստացել էր ղարաբաղյան կողմի համաձայնությունը: Ավելացնենք նաեւ, որ Աղդամում կանգուն մնացած միակ շինությունը եւս մզկիթ է: