«Մետալուրգի» սպորտային տնօրեն Վարդան Իսրայելյանը հայտարարել է, որ ոչինչ չգիտի «Շախտյորից» կիսապաշտպան Հենրիխ Մխիթարյանի Դորտմունդի «Բորուսիա» տեղափոխվելու գումարի 50 % մասին: «Մետալուրգը» կարող էր հավակնել 13,75 մլն եվրոյի:

«Ֆուտբոլիստը տեղափոխվել է «Շախտյորից», դա ուրիշ թիմ է, և ես ոչինչ չեմ կարող ասել այդ մասին: Ես տեղյակ չեմ, թե այնտեղ ինչ պայմանավորվածություն է եղել: Բոլոր գումարները, որոնք մենք ստանում ենք տրանսֆերներից, օգտագործում ենք թիմը ուժեղացնելու վրա»,- Իսրայելյանի խոսքերն է մեջբերում terrikon.com-ը:

Ավելի վաղ տեղեկություն էր տարածվել, որ հայ ֆուտբոլիստի տրանսֆերը պատկանում է 3 կողմերի`«Շախտյորին», «Փյունիկին» և «Մետալուրգի» բաժնետերերից մեկին` Օլեգ Մկրտչյանին: