Դուդուկի հանճարեղ վարպետ Ջիվան Գասպարյանը ելույթ կունենա WOMAD փառատոնում, որն առաջին անգամ կանցնի Ռուսաստանում, Պյատիգորսկում սեպտեմբերի 21 և 22-ին, Մաշուկ լեռան վրա, հայտնում է «ՌԻԱ Նովոստի» գործակալությունը: WOMAD-ը, որի նախաձեռնողն է հայտնի երաժիշտ ու Genesis խմբի նախկին ղեկավար Պիտեր Գեբրիելը, հապավում է՝ World of Music, Art and Dance: Փառատոնի ռուսական տարբերակը ստացել է «Ռուսաստանի աշխարհ՝ Ռուսաստանի երաժշտությունն ու արվեստը» խորագիրը: