Իսրայելի պաշտպանության նախարար Մոշե Յաալոնը ներողություն է խնդրել մամուլի կողմից իրեն վերագրվող քննադատական արտահայտությունների համար, որ արվել են ԱՄՆ պետքարտուղար Ջոն Քերիի պաղեստինա-իսրայելյան կարգավորման ուղղությամբ միջնորդական ջանքերի վերաբերյալ:
Ներողությունը բարձրաձայնվել է Յաալոնի երկու ժամ տևած խոսակցությունից հետո Իսրայելի վարչապետ Բինյամին Նեթանյահուի հետ: Ներողությունը տարածել է նախարարի մամլո ծառայությունը, որը հայտնի է իր աջ հայացքներով, այն բանից հետո, երբ ԱՄՆ վարչակազմն անվանեց մամուլում հայտնված Յաալոնի արտահայտությունները վիրավորական ու անընդունելի ռազմավարական դաշնակիցների հարաբերությունների համար:
«Պաշտպանության նախարարը մտադիր չէր վիրավորել պետքարտուղարին ու ներողություն է հայցում, եթե պետքարտուղարին վիրավորել են նախարարին վերագրվող խոսքերը»,- ասվում է հաղորդագրությունում:
Իսրայելի ԶԼՄ-ները նախօրեին մեջբերել են Յաալոնին, որն, իբր, ասել է, թե Քերիի պլանը «նույնիսկ այն թղթի արժեքը չունի, որի վրա գրված է», քանի որ չի ապահովում ոչ խաղաղություն, ոչ անվտանգություն»: «Մենք մեզ անվտանգ կզգանք միայն այն ժամանակ, երբ Ջոն Քերին Նոբելյան մրցանակ ստանա ու մեզ հանգիստ թողնի»,-ըստ մամուլի ասել է պաշտպանության նախարարը, հայտնում է «ՌԻԱ Նովոստին»:
Ըստ Haaretz-ի, ներողությունը բարձրաձայնվել է Յաալոնի երկու ժամ տևած խոսակցությունից հետո Իսրայելի վարչապետ Բինյամին Նեթանյահուի հետ: «Իսրայելն ու Միացյալ Նահանգներն ընդհանուր նպատակ ունեն՝ խաղաղ բանակցությունների առաջընթացը Քերիի միջնորդությամբ: Մենք գնահատում ենք այն հսկայական ջանքերը, որոնք գործադրում է պետքարտուղարը»,-ասվում է Յաալոնի հայտարարության մեջ:
Ջոն Քերին 10 անգամ այցելել է Մերձավոր Արևելք պաշտոնը ստանձնելուց հետո: Նրա ամեն մի այցը հագեցած է եղել հանդիպումներով ու բանակցություններով, սակայն արդյունքը դեռ նույնքան հեռու է:
Իսրայելա-պաղեստինյան բանակցությունները Պաղեստինի կարգավիճակի մասին վերսկսվեցին 2013 թվականի ամռանը ԱՄՆ հովանու ներքո: Բանակցությունները հիմնված են Օսլոյի 1993 թ. համաձայնության վրա, երբ տեղի ունեցան երկկողմ գաղտնի բանակցություններ Օսլոյում Իսրայելի ու Պաղեստինի ազատագրման կազմակերպության միջև, որն անցել է Նորվեգիայի հովանու ներքո:
