Թուրքիայի Ազգային վիճակագրական կենտրոնը գրում է, որ 2013 թվականին Ռեջեփ Թայիփ Էրդողանի գլխավորած Արդարության ու զարգացման կուսակցության (ԱԶԿ) կառավարությունը Սիրիայում գործող ավազակախմբերին մոտ 53 հազար դոլարի զենք ու զինամթերք է մատակարարել, իսկ ընթացիկ տարվա առաջին երեք ամսում՝ 115 հազար դոլարի:

Ինչպես հայտնում է սիրիական SANA գործակալությունը ընդդիմադիր թուրքական Аydinlik թերթի վրա հղումով, զինամթերքը Սիրիա է հասել ահաբեկիչների հսկողության տակ գտնվող սահմանային անցակետերով:

Ամերիկյան Veterans Today կայքը հայտնել է, որ զարին գազը, որն օգտագործվել է Դամասկոսի արվարձանում անցյալ տարվա օգոստոսի 21-ի քիմիական գրոհի ժամանակ, արտադրվել է Պենտագոնին պատկանող լաբորատորիայում Թուրքիայի տարածքում: Հետո այնՍիրիայում գործող «Ալ Քայիդայի» ահաբեկիչներինփոխանցելու համարտեղափոխվել է թուրքական լաբորատորիաներ :

2013 թվականի օգոստոսի կեսին` քիմիական զենքի կիրառումից մի քանի օր առաջ, Թուրքիայում գաղտնի խորհրդակցություն տեղի ունեցավ վարչապետ Էրդողանի, ԱԳՆ ղեկավար Դվութօղլուի, և հետախուզության ղեկավար Ֆիդանի միջև, որտեղ քննարկվել է Սիրիայի դեմ ռազմական ագրեսիա սկսելու համար պատրվակ գտնելու կամ հրահրելու հարցը:

Այդ ամենը հերթական անգամ հաստատում է, որ Էրդողանի կառավարությունը մեղսակից է Սիրիայի արյունահեղությանն ահաբեկչական կազմավորումների համակողմանի աջակցության միջոցով:

Սիրիայում արդեն 3 տարուց ավելի է քաղաքացիական պատերազմ է: Այդ ընթացքում, ՄԱԿ տվյալներով, ավելի քան 125 հազար մարդ զոհվել է, 2 մլն՝ դարձել փախստական, ևս 4 մլն՝ ներքին տեղահանված անձինք են:Ամեն օր մոտ 6 հազար սիրիացի փախստական է դառնում:Սիրիահայերը բնակվում են հիմնականում Հալեպում և Դամասկոսում: Պատերազմից առաջ հայ համայնքը հասնում էր 80 հազարի: Այժմ շուրջ 10 հազար սիրիահայեր հաստատվել են Հայաստանում, հինգ հազարը՝ Լիբանանում: