Հասարակական կարծիքի ուսումնասիրության Gallup ինստիտուտը հրապարակել է աշխարհի ամենադրական երկրների վարկանիշը 2013 թվականի համար: Ինչպես ասվում է հրապարակման մեջ, չնայած հակամարտությունների ու անկարգությունների մասին հաղորդագրություններին, մարդիկ աշխարհի տարբեր երկրներում, այնուամենայնիվ. բազում դրական զգացումներ են ապրում: Առնվազն 10 մեծահասակից 7-ը հայտարարում է հաճույքի, անձնական ու պրոֆեսիոնալ գործունեության մեջ ուրախության մասին:
2013 թվականին Gallup-ը համապատասխան սոցհարցում է անցկացրել աշխարհի 138 երկրում՝ հարցնելով, թե արդյոք նրանք դրական զգացողություններ ունեցել են նախօրեին:
Ամենադրական երկրների առաջին եռյակում են հայտնվել Պարագվայը (հարցվածների 87 տոկոսը պատասխանել է, որ նախօրեին ուրախ է եղել), Պանաման (86 տոկոս) և Գվատեմալան (83 տոկոս): Ընդհանուր առմամբ 11 ամենադրական երկրներից 10-ն, ըստ հարցման, գտնվում է Լատինական Ամերիկայում:
Հայաստանը 56 տոկոով հայտնվել է ոչ այնքան դրական երկրների ցանկում, նրան մոտ է գտնվում նաև Լեռնային Ղարաբաղը 55 տոկոսով: Նույն ցուցանիշն ունի նաև Ադրբեջանը՝ 55 տոկոս: Թուրքիան հավաքել է 62 տոկոս, Ռուսաստանը՝ 61, Վրաստանը՝ 56 տոկոս:
Ցուցակը եզրափակում է «ոչ պոզիտիվ» Սիրիան 36 տոկոսով: