ԵԱՀԿ Մինսկի խմբի հետ տարածաշրջան կժամանեն Ռուսաստանի, ԱՄՆ-ի եւ Ֆրանսիայի ԱԳՆ ներկայացուցիչները
Մայիսի 24-ին տարածաշրջան է ժամանելու Լեռնային Ղարաբաղի հակամարտության կարգավորման հարցով ԵԱՀԿ Մինսկի խումբը: Ինչպես հայտնել է PanARMENIAN.Net-ի թղթակցին ՀՀ ԱԳՆ մամլո քարտուղարի պաշտոնակատար Վլադիմիր Կարապետյանը, կա տեղեկատվություն, որ համանախագահների հետ տարածաշրջան կժամանեն Ռուսաստանի, ԱՄՆ-ի եւ Ֆրանսիայի ԱԳՆ ներկայացուցիչները: «Սակայն, այդ հարցը վերջնականապես կորոշվի Վարդան Օսկանյանի ու Էլմար Մամեդյարովի` Ստրասբուրգում կայանալիք հանդիպումից հետո»,- նշել է նա:
Մասնավորապես, մի շարք աղբյուրների տվյալների համաձայն, միջնորդների հետ Լեռնային Ղարաբաղի հակամարտության տարածաշրջան կայցել են Ռուսաստանի Դաշնության փոխարտգործնախարար Գրիգորի Կարասինը, Ֆրանսիայի ԱԳՆ քաղաքական հարցերով տնօրեն Ստանիսլաս Դ'Լաբուլեն եւ ԱՄՆ պետքարտուղարի օգնական Դենիել Ֆրիդը:
Մասնավորապես, մի շարք աղբյուրների տվյալների համաձայն, միջնորդների հետ Լեռնային Ղարաբաղի հակամարտության տարածաշրջան կայցել են Ռուսաստանի Դաշնության փոխարտգործնախարար Գրիգորի Կարասինը, Ֆրանսիայի ԱԳՆ քաղաքական հարցերով տնօրեն Ստանիսլաս Դ'Լաբուլեն եւ ԱՄՆ պետքարտուղարի օգնական Դենիել Ֆրիդը:
