Մերձմոսկովյան Չերքեզովոյում մոլեգնող ուժգին սառնամանիքի պատճառով, «Լոկո» ռուսական ֆուտբոլային չեմպիոն-թիմի ղեկավարությունը այլընտրանքային առաջարկություն էր արել ՈՒԵՖԱ-ին Չեմպիոնների լիգայի տնական խաղը «Միլանի» հետ փետրվարի 25-ին Երեւանում անցկացնելու մասին: «Լոկո»-ի տեխնիկական տնօրեն Հասան Բիջիեւի խոսքերով, ինչպես հաղորդում են ռուսական ԶԼՄ-ները, «Հայաստանի ֆուտբոլի ֆեդերացիան պատրաստակամություն է հայտնել ընդունելու մեզ, սակայն ՈՒԵՖԱ-ն մերժել է, վկայակոչելով Լիգայի հայեցակարգը, որի համաձայն խաղերը կարող են անցնել միայն մասնակից-երկրներում»: Այդ պատճառով որպես այլընտրանք առաջարկվել են Կրասնոդարը եւ Նովոռոսիյսկը: