Պայմանագիր է ստորագրվել Բաքու-Թբիլիսի-Ջեյհանի Հիմնական արտահանության նավթամուղով (ՀԱՆ) ղազախական նավթի փոխադրման վերաբերյալ: Պայմանագրի ստորագրման արարողությունից հետո կայացած կարճատեւ բրիֆինգի ժամանակ նախագահ Նուրսուլթան Նազարբաեւը նշեց, որ դժվարանում է այս փաստաթղթի կարեւորությունը գնահատել: «Ղազախստանն ու Ադրբեջանը, գտնվելով Կասպից ծովի ափին, Կենտրոնական Ասիայի հետ կապող առեւտրական ճանապարհի հիմնական հանգույցներն են հանդիսանում: Բացի այդ, կնքելով այս պայմանագիրը, Չինաստանով ու Ռուսաստանով անցնող ուղիներից բացի, մենք երրորդը ստացանք մեր նավթի արտահանման համար: Սպասվում է ղազախական նավթի արտադրության ծավալների ընդլայնում մինչեւ 2015 թվականը, այդ պատճառով ԲԹՋ ՀԱՆ-ը մեզ համար մեծ կարեւորություն է ներկայացնում»,- հայտարարել է Ղազախստանի նախագահը:

Նշենք, որ Ադրբեջանի եւ Ղազախստանի միջեւ կնքված պայմանագիրը ենթադրում է Բաքու-Թբիլիսի-Ջեյհան նավթամուղով 25 միլիոն տոննա ղազախական նավթի արտահանում: Առաջին փուլում այդ նավթամուղով 7,5 միլիոն տոննա է տեղափոխվելու: