Կալիֆորնիայի նահանգի սենատը որոշում է ընդունել` համաձայն որի 2003 թվականի ապրիլի 24-ը կնշվի որպես Հայոց ցեղասպանության զոհերի հիշատակման օր: Ինչպես հաղորդում է Ամերիկայի հայկական համագումարը, Սենատոր Չաք Փուչիգյանը հայտարարել է, որ «Օսմանյան Թուրքիայում 1915 թ. հայոց ցեղասպանության ողջ աշխարհի համար ակնհայտ փաստի հերքումը խոչընդոտ է փոխհարաբերությունների զարգացման գործընթացում»: Նրա խոսքերով` հայոց ցեղասպանության փաստի ճանաչումն ապագայում մարդկության դեմ նման հանցագործության կրկնման ինքնօրինակ նախազգուշացում կլինի: Հետագա 30 օրվա ընթացքում Սենատի որոշումը կներկայացվի Քաղաքականության գծով կոմիտեի քննարկմանը: Հիշեցնենք, որ Կալիֆորնիայի նահանգը վերջերս պաշտոնապես ճանաչել է 1915-1923 թթ. Հայոց ցեղասպանության փաստը: