«Վրաստանի իրադարձությունները շատ են մտահոգում Հայաստանին, քանի որ ռուս-վրացական հարաբերությունների սրումն այսպես թե այնպես կանդրադառնա Հայաստանի վրա»,-Երեւանում կայացած մամլո ասուլիսի ժամանակ հայտարարել է Հայաստանի արտգործնախարար Վարդան Օսկանյանը: Նրա խոսքերով, լրտեսության մեղադրանքով ձերբակալված հայերը Վրաստանի քաղաքացիներ են եւ Հայաստանը չի կարող միջամտել հարեւան պետության ներքին գործերին: «Սակայն, ինչպես հիշում եք, Վրաստանում կան ձերբակալված Հայաստանի քաղաքացիներ: Ներկայումս ակտիվ խորհրդատվություններ են ընթանում երկու երկրների արտգործնախարարությունների միջեւ Վրաստանում Հայաստանի քաղաքացիներին ազատ արձակելու հարցի շուրջ»,-ասել է Օսկանյանը: