Արցախում հաստատված ռուսաստանցի գործարար և քաղգործիչ, «Ալիսա» ապրանքային բորսայի հիմնադիր Գերման Ստերլիգովի հանդեպ զրպարտության վերաբերյալ քրեական գործ է հարուցվել: Այս մասին հայտնել է Ստերլիգովի փաստաբան Արթուր Հայրապետովը:

Հարուցված գործի պատճառով ձեռներեցի մոտ խնդիրներ են առաջացել Ռուսաստանից մեկնելու հետ կապված, ուր նա մի քանի օրով վերադարձել է ԼՂՀ-ից, Gazeta.ru-ին հղումով գրում է Tert.am-ը:

«Մասնավոր բնույթի դիմում է ներկայացվել Ստերլիգովի և իմ դեմ: Երբ նման դիմում է ուղղվում դատարան, գործը մեխանիկորեն հարուցվում է: Մեր դեմ հարուցված գործը զրպարտության մասին է: Բացի այդ, հայտարարություն է ներկայացվել Մոսկվա քաղաքի փաստաբանների պալատ՝ ինձ փաստաբանի կարգավիճակից զրկելու պահանջով»,- ասել է Հայրապետովը:

Նրա խոսքով՝ գործի հարուցումը նախաձեռնել է Իսրայելի քաղաքացի Միլանա Գորենշտեյնը, որն այժմ մշտապես ապրում է Թել Ավիվում:

Հուլիսի 6-ին հայտի դարձավ, որ Ստերլիգովը փակել է իր հայտնի տունը Սլոբոդայում, սկսել է վաճառել ունեցվածքը և ընտանիքի հետ բնակություն հաստատել Լեռնային Ղարաբաղում: Հուլիսի 16-ին ռուս ձեռներեցը վերադարձել է Մոսկվա՝ընտանիքին թողնելով Արցախում:

Ադրբեջանի ԱԳՆ-ն Արցախ տեղափոխված միլիոնատերին անցանկալի անձանց ցուցակում է ներառել: