Ադրբեջանն ու Թուրքիան համատեղ ֆինանսական միջոցներ կհատկացնեն Բաքու-Կարս-Ախալքալաք երկաթուղու կառուցման համար: Այդ մասին հոկտեմբերի 11-ին լրագրողներին է հայտարարել Ադրբեջանում Թուրքիայի դեսպան Թուրան Մորալին: Նա նշել է, որ երկաթուղու կառուցման համար կպահանջվի 400 մլն դոլար: «Այսօր Թուրքիայից պատվիրակություն է ժամանել, քննարկելու համար կառուցման հարցերը: Բաքու-Կարս-Ախալքալաք երկաթուղու կառուցումը էլ ավելի կամրապնդի քաղաքական, ռազմավարական եւ տնտեսական հարաբերությունները Թուրքիայի եւ Ադրբեջանի միջեւ»,-նշել է Թ.Մորալին: Ըստ դեսպանի, բեռների փոխադրումը երկաթուղով 3 անգամ ավելի էժան կնստի, քան տրանսպորտի այլ տեսակներով, հաղորդում է «Թրենդը»: