12 հոկտեմբերի 2006 - 18:13 AMT
Բողոքի ցույցեր Բաքվում Ֆրանսիայի դեսպանատան առջեւ
Հոկտեմբերի 12-ին Բաքվում Ֆրանսիայի դեսպանատան առջեւ տեղի ունեցավ բողոքի առաջի ակցիան, որ կազմակերպել էր հասարակության մի խումբ: Սակայն ոստիկանությունը ցրել է չարտոնված հանրահավաքը, մի քանի հոգի ձերբակալվել են: Ըստ Ադրբեջանի ՆԳՆ ներկայացուցչի, ֆրանսիական դիվանագիտական առաքելության եւ նրա աշխատակիցների անվտանգության ապահովման միջոցների ուժեղացման մասին որոշումը կապված է Ֆրանսիայի Ազգային ժողովի կողմից Հայոց ցեղաասպանության ժխտման համար քրեական պատիժ սահմանող օրինագծի ընդունման հետ, հաղորդում է Day.az-ը: