33 ֆրանսիացի լրագրողները, ովքեր Ստամբուլ են ժամանել հայտնի լուսանկարիչ Գոքսին Սիփանողլիի ցուցահանդեսին մասնակցելու համար, դատապարտել են Ֆրանսիային Հայոց ցեղասպանության քրեականացման վերաբերյալ օրենք ընդունելու համար: «Ֆրանսիան պատմական սխալ է թույլ տվել, եւ մենք հուսով ենք, որ այն կուղղվի»,- նշել են Le Mond եւ Le Figaro առաջատար ֆրանսիական թերթերի լրագրողները: Թուրքիայում Ֆրանսիայի դեսպան Պոլ Պուդադի խոսքերով, «Այժմ դեռ վաղ է պնդել, որ տվյալ օրենքը կընդունվի, քանի որ դրան երկար ընթացակարգ է նախորդելու: Ես չեմ կարծում, որ այն կընդունվի, քանի որ այն անտեղի օրենք է: Կառավարությունը ամբողջությամբ դեմ է փաստաթղթին»,- նշել է դեսպանը, հայտնում է «Զաման» թերթը: