Ադրբեջանի համար անընդունելի են ուղղակի բանակցությունները ԼՂՀ հետ
Հայաստան-ԵՄ Գործողությունների ծրագրում կարեւորը իրադարձությունների զարգացումն է տարածաշրջանում, մասնավորապես, հակամարտությունների կարգավորման գործընթացներում: Այդ մասին Երեւանում հայտարարել է «Կովկաս» կենտրոնի փորձագետ Մանվել Սարգսյանը: Նրա խոսքերով, ԵՄ-ն վերջերս բավականին մեծ ակտիվություն է ցուցաբերում ղարաբաղյան հակամարտության կարգավորման հարցում: «Ինչպես հիշում եք, դեռեւս 2004 թվականին Եվրոպայի Խորհրդի ներկայիս գլխավոր քարտուղար Թերի Դեւիսն ասել էր, որ Եվրոպային մարդիկ են հետաքրքրում, այլ ոչ թե տարածքներրը: Այնուհետեւ եղավ Աթկինսոնի բանաձեւը, որն ընդունվել է եւ մոռացվել: Բանակցությունների գլխավոր խնդիրը ուղղակի շփումների բացակայությունն է ԼՂՀ եւ Ադրբեջանի միջեւ: Սակայն ես չեմ կարծում, որ այժմ հնարավոր է մի իրավիճակ, երբ Ստրասբուրգում ԼՂՀ եւ Ադրբեջանի պատվիրակությունները նստեն մեկ սեղանի շուրջ: Ադրբեջանի համար դա ի սկզբանե անընդունելի է, դա նշանակում է նահանջ նախկին քաղաքականությունից»,-նշել է Սարգսյանը: Իսկ ինչ վերաբերում է ԵԱՀԿ Մինսկի խմբին, ապա նա արեց ամենը, ինչ իրենից պահանջվում էր` հասավ հրադադարի կնքմանը: Ներկայումս նրա համար արդիական է բանակցային գործընթացի շարունակությունը»,-ընդգծել է փորձագետը:
