ԼՂՀ իշխանությունները պատրաստ են Ադրբեջանին հանձնել ղարաբաղյան կողմն անցած զինվորին
Լեռնային Ղարաբաղի Հանրապետության իշխանությունները պատրաստ են Ադրբեջանին փոխանցել ադրբեջանական բանակի զինծառայող, 1979թ. ծնված Էլդանիզ Բեյալի օղլի Նուրիեւին: Այդ մասին ասվում է Ռազմագերիների եւ անհայտ կորածների հարցերով ԼՂՀ Պետական հանձնաժողովի հաղորդագրության մեջ: Շարքային Է.Նուրիեւը ղարաբաղյան կողմն է անցել 2006թ. դեկտեմբերի 31-ի գիշերըէ Լեռնային Ղարաբաղի եւ Ադրբեջանի զինված ուժերի շփման գծի Ֆիզուլիի հատվածում եւ գերի է վերցվել ԼՂՀ պաշտպանության բանակի զինծառայողների կողմից:
Ռազմագերիների - անհայտ կորածների հարցերով ԼՂՀ պետական հանձնաժողովը դիմել է Լեռնային Ղարաբաղում հավատարմագրված Կարմիր խաչի միջազգային կոմիտեի գրասենյակին` Է.Նուրիեւին ադրբեջանական կողմին փոխանցելու հարցում աջակցելու խնդրանքով: Լեռնային Ղարաբաղում գտնվելու ժամանակաընթացքում ԿԽՄԿ ներկայացուցիչներին անարգել թույլատրվել է այցելել Է.Նուրիեւին, հաղորդում է ԼՂՀ ԱԳՆ մամլո ծառայությունը:
Ռազմագերիների - անհայտ կորածների հարցերով ԼՂՀ պետական հանձնաժողովը դիմել է Լեռնային Ղարաբաղում հավատարմագրված Կարմիր խաչի միջազգային կոմիտեի գրասենյակին` Է.Նուրիեւին ադրբեջանական կողմին փոխանցելու հարցում աջակցելու խնդրանքով: Լեռնային Ղարաբաղում գտնվելու ժամանակաընթացքում ԿԽՄԿ ներկայացուցիչներին անարգել թույլատրվել է այցելել Է.Նուրիեւին, հաղորդում է ԼՂՀ ԱԳՆ մամլո ծառայությունը:
