Թուրքիայի նախագահ Ռեջեփ Թայիփ Էրդողանը հայտարարել է, որ ՌԴ և Սիրիայի կառավարության «անմարդկային գործողությունը» Սիրիայի հյուսիսում, որտեղ նրանց ուժերը մոտեցել են Թուրքիայի սահմանին, կոչված էր միջանցք բացել քուրդ մարտիկների համար:
Թուրքիայի նախագահը նաև մերժել է ԻՊ դեմ պայքարում դաշնակիցների քննադատությունը Սիրիայում քուրդ գրոհայինների գնդակոծության համար: Էրդողանը հայտարարել է, որ աշխարհազորի քրդական ջոկատներն ու նրանց քաղաքական թևը` «Ժողովրդավարական միությունը», ստեղծվել են Սիրիայի նախագահ Բաշար Ասադի աշխատակազմի կողմից:
Անկարան «Ժողովրդավարական միություն» քրդական կուսակցությանն ու նրա զինված ստորաբաժանումները համարում է ահաբեկչական կազմակերպություններ: Թուրքիան կարծում է, որ սիրիական սահմանով զենք է մատակարարվում ՔԱԿ համար, որի հետ Թուրքիան զինված հակամարտության մեջ է նախորդ տարվանից, պարզաբանել է BBC-ի թղթակից Մարկ Լոուենը: Վաշինգտոնը «Ժողովրդավարական միությունը» ահաբեկչական չի համարում, ավելի շուտ որպես դաշնակից ընկալելեվ սիրիացի քրդերին ԻՊ եմ պայքարում:
Ուստի ՆԱՏՕ-ի շրջանակում դաշնակից երկու պետությունների միջև տարաձայնություն է առաջացել, որը խանգարում է միջազգային խաղաղ բանակցություններին:
Թուրքական ուժերն արդեն մի քանի օր է չեն դադարեցնում սիրիական քրդերի դիրքերի ինտենսիվ հրետակոծումը: Ավելի վաղ սիրիացի քրդերը մերժել էին Անկարայի պահանջը Թուրքիայի սահմանի մոտ գրաված դիրքերից հեռանալու վերաբերյալ` պնդելով, որ հակառակ դեպքում իրենց տեղը կզբաղեցնեն ծայրահեղական իսլամիստները:
