9 փետրվարի 2007 - 14:13 AMT
Ա. Կիրակոսյանը չի կարծում, որ Հայաստանը կարող է հայտջնվել լիակատար տրանսպորտային մեկուսացման մեջ
Կարս-Ախալքալաք-Բաքու երկաթուղու կառուցման մասին համաձայնագրի ստորագրումը շատ կարեւոր խնդիր է հանդիսանում է հայկական դիվանագիտության համար: Այդ մասին Երեւանում կայացած մամլո ասուլիսի ժամանակ հայտարարել է ՀՀ արտգործնախարարի տեղակալ Արման Կիրակոսյանը: «Թուրքիայում այդ նախագիծն անվանում են «Անկարա-Բաքու մայրուղի», եւ փաստորեն դա հանդիսանում է Հայաստանի մեկուսացմանն ուղված Ադրբեջանի եւ Թուրքիայի քաղաքականության շարունակությունը: Այս նախագծին հակազդելու նպատակով Հայաստանը պետք է մեծացնի իր աշխատանքը միջազգային կազմակերպություններում` ԱՄՆ-ի, ԵՄ-ի եւ այլ շահագրգռված մարմինների կողմից այս նախագծի ֆինանասավորումն արգելելու հարցում»,- նշել է նա: ՀՀ ԱԳ փոխնախարարը նաեւ գտնում է, որ այս նասխագիծն առաջին հերթին քաղաքական է եւ միայն հետո` տնտեսական: «Հասկանալի է, որ այն շահավետ է Թուրքիային, Վրաստանին եւ Ադրբեջանին տնտեսական տեսանկյունից: Սակայն ես չեմ կարծում, որ Հայաստանը կարող է լիակատար տրանսպորտային մեկուսացման մեջ հայտնվել: Մենք երկաթուղային հաղորդակցություն ունենք Վրաստանի եւ Իրանի հետ, որոնց միջոցով մենք ելք ունենք համաշխարհային շուկաներ»,- ասել է Կիրակոսյանը: