Փետրվարի 26-27-ը նախատեսվում է Լեհաստանի ԱԳ նախարար տկն. Աննա Ֆոտիգայի այցը Հայաստան: Ինչպես հաղորդում է ՀՀ ԱԳՆ մամլո ծառայությունը, փետրվարի 17-ին ՀՀ նախագահի ղեկավարած պատվիրակության կազմում Հայաստանի արտգործնախարար Վարդան Օսկանյանը գտնվելու է Փարիզում` մասնակցելու Ֆրանսիայում Հայաստանի տարվա շրջանակներում կազմակերպվելիք միջոցառումներին: Նախապես, փետրվարի 16-ին Փարիզում «Հայաստան» հիմնադրամի ղեկավարության հետ նա հանդիպելու է Հայաստանի եւ Արցախի գյուղերի վերականգնման ծրագրում ներգրավված համայնքային կազմակերպությունների ներկայացուցիչների հետ: Փետրվարի 27-28-ը ծրագրված է նախարար Օսկանյանի աշխատանքային այցը Իռլանդիա: