Փետրվարի 25-27-ը Հայաստանում է գտնվելու Լեհաստանի ԱԳՆ ղեկավար Աննա Ֆոտիգան
Փետրվարի 25-27-ը Հայաստանում է գտնվելու Լեհաստանի Հանրապետության ԱԳ նախարար տկն. Աննա Ֆոտիգայի գլխավորած պատվիրակությունը, հայտնում է ՀՀ ԱԳՆ ղեկավարը: Այցի ընթացքում նախատեսվում են Լեհաստանի ԱԳ նախարարի հանդիպումները ՀՀ նախագահ Ռոբերտ Քոչարյանի, Ամենայն Հայոց Կաթողիկոս Գարեգին երկրորդի, ՀՀ վարչապետ Աանդրանիկ Մարգարյանի, ԱԺ նախագահ Տիգրան Թորոսյանի, ՀՀ ԱԳ նախարար Վարդան Օսկանյանի հետ: Երեւանում գտնվելու ընթացքում Լեհաստանի ԱԳՆ պատվիրակությունը այցելելու է Մատենադարան եւ Ծիծեռնակաբերդ, որտեղ տեղի կունենա Մեծ Եղեռնի զոհերի հիշատակին ծաղկեպսակ դնելու արարողություն:
