Շվեյցարական դատախազությունը կոչ է անում թուրք ազգայնամոլի նկատմամբ $2500-ի տուգանք սահամանել
Շվեյցարացի դատախազները երեկ խնդրել են ոստիկանական դատարանին 2450 դոլարի տուգանք սահմանել Թուրքիայի աշխատավորական կուսակցության առաջնորդ Դողու Փերինչեքի նկատմամբ` Հայոց ցեղասպանությունը հերքելու համար: Փերինչեքը մեղադրվում է այն բանում, որ խախտել է շվեյցարական օրենքը, որն արգելում է ցեղասպանության հերքումը. մասնավորապես, երկու տարի առաջ Փերինչեքը Հայոց ցեղասպանությունը «միջազգային սուտ է» անվանել: Փերինչեքը այս շաբաթ դատարանում կրկնել է իր հայտարարությունները: Նշենք, որ նրա գործով դատավճիռը սպասվում է այսօր, հաղորդում է «Ազատություն» ռադիոկայանը:
