Հուլիսի 13-ին Երևանում պաշտոնապես բացվել է «Ռեդիսսոն բլու» առաջատար հյուրանոցային ցանցին պատկանող «Ռեդիսսոն բլու հոթել Երևան» հյուրանոցային համալիրը:
Բացմանը ներկա է գտնվել նախագահ Սերժ Սարգսյանը:
Նա շրջել է Երևանի բարձրակարգ հյուրանոցների շարքը համալրած «Ռեդիսսոն բլու հոթել Երևան»-ում, ծանոթացել կատարված աշխատանքներին, իրականացված ներդրումներին, ստեղծված աշխատատեղերին (մոտ 135) և առաջարկվող ծառայությունների որակին:
«Ռեդիսոն Բլյու հոթել» Երևանը բացվել է Հայաստանի առաջատար հյուրանոցային օպերատոր «Գոլդեն Փելիսի» հիմքի վրա: ՀՀ Էկոնոմիկայի նախարարության հետ միջազգային կառավարման պայմանագիր էր կնքվել 2015-ին:
Մասնավորապես, ինտերիերի աշխատանքներն իրականացրել է լոնդոնյան «ԱՐԱ Դիզայն Ինթերնեյշնլ» ընկերությունը, խոհանոցները արդիականացվել նե գերմանական «Կ3» ընկերության կողմից, իսկ նախագծի ընդհանուր խորհրդատվությունը գլխավորել է ռուսաստանյան «ԱՎ Փրոջեքթ» ընկերությունը:
