Իսրայելի ՌՕՈւ-ն սեպտեմբերի 4-ից հետո արդեն երկրորդ անգամ գրոհել է սիրիական բանակի դիրքերը Գոլանի բարձունքում` զոհեր և տուժածներ չկան, հայտնել է Reuters-ը Իսրայելի բանակի ներկայացուցչի վրա հղումով:
Իսրայելի օդուժը հարվածներ է հասցրել Սիրիայի ԶՈւ ականանետներին Սիրիայի հյուսիսում` Գոլանի բարձունքի այդ երկրին պատկանող հյուսիսային հատվածում»,-ասել է գործակալության զրուցակիցը, հայտնում է ՌԻԱ Նովոստին:
Ավելի վաղ իսրայելյան զորքերը գրոհել էին սիրիական հրետանու դիրքերը` սիրիացիների կողմից Իսրայելին պատկանող Գոլանի բարձունքները ականատերով գնդակոծելուց հետո: Զինվորականները դա համարել են ոտնձգություն Իսրայելի ինքնիշխանության դեմ և հայտարարել, որ կշարունակեն գործողություններն ուղղված երկրի անվտանգության ապահովմանը:
Հարվածների նախորդ «փոխանակումը» գրանցվել էր օգոստոսի 22-ին, երբ Իսրայելը ավիացիան օդ բարձրացրեց ականանետային գնդակոծությունից հետո, որը, սակայն, պատահական բնույթ էր կրում Սիրիայում ներքին մարտերի հետևանքով:
Իսրայելցի զինվորականների տվյալներով, 80-կիլոմետրանոց սահմանին Դամասկոսի զորքերից բացի կռվում են մոտ 50 տարբեր խմբավորման զինյալներ, այդ թվում ահաբեկչական «Ջեբհաթ ան Նուսրայի» և «Իսլամական պետության» ահաբեկիչները: