Մայիսի 23-ին ՀՀ ԱԳ նախարար Վարդան Օսկանյանն ընդունեց տարածաշրջանային այցով Երեւանում գտնվող ԵԱՀԿ Մինսկի խմբի համանախագահներ Յուրի Մերզլյակովին եւ Բեռնար Ֆասիեին: Հանդիպմանը շեշտը դրվեց Լեռնային Ղարաբաղի հակամարտության շուրջ բանակցություններում դեռեւս չհամաձայնեցված հարցերի վրա: ՀՀ ԱԳ նախարարը եւ ԵԱՀԿ ՄԽ համանախագահները քննարկեցին նաեւ հաջորդ հանդիպումների օրացույցն ու առաջիկա անելիքները, հաղորդել է ՀՀ ԱԳՆ մամլո ծառայությունը:

Մայիսի 24-ին միջնորդները մեկնում են Բաքու: Համանախագահների ներկայիս այցի նպատակն է Հայաստանի եւ Ադրբեջանի նախագահներ Ռոբերտ Քոչարյանի եւ Իլհամ Ալիեւի հունիսի 8-10 Սանքտ Պետերբուրգում Համաշխարհային տնտեսական համաժողովի շրջանակներում կայանալիք հանդիպման նախապատրաստումը: