Հայաստանը ներկայացված կլինի Ստամբուլում կայանալիք Սեւծովյան տնտեսական համագործակցության կազմակերպության (ՍՏՀԿ) հոբելյանական գագաթնաժողովին: Այդ մասին PanARMENIAN.Net-ի թղթակցին հայտնել է ՀՀ ԱԳՆ մամլո քարտուղարի պաշտոնակատար Վլադիմիր Կարապետյանը: Նրա խոսքերով, ներկա դրությամբ խորհրդակցություններ են անցկացվում պատվիրակության կազմի հարցով: «Արդեն կա հրավեր գագաթնաժողովն անցկացնող երկրի` Թուրքիայի ԱԳՆ-ի կողմից»,- ասել է Կարապետյանը:

ՍՏՀԿ-ն հիմնադրվել է 1992 թվականի հունիսի 5-ին Յալտայում, որտեղ Ադրբեջանի, Ալբանիայի, Հայաստանի, Բուլղարիայի, Հունաստանի, Մոլդովայի, Ռուսաստանի Դաշնության, Ռումինիայի, Թուրքիայի եւ Ուկրաինայի պետությունների եւ կառավարությունների ղեկավարները ստորագրեցին Կազմակերպության կանոնադրությունը: Հոբելյանական գագաթնաժողովը կայանալու է հունիսի 25-ին Ստամբուլում: