Վերջին տարիներին հայ-գերմանական հարաբերություններն ամենաբարձր մակարդակով են ներկայացվել: Այդ մասին PanARMENIAN.Net-ի թղթակցին հայտարարել է Հայաստանում Գերմանիայի դեսպան Հայկե Ռենատե Փայչը: «Ես ցանկանում եմ նշել երկրի նախագահ Ռոբերտ Քոչարյանի այցելությունները Գերմանիա, փետրվարին արտգործնախարար Շտեյնմայերի այցելությունը Երեւան: Մենք իրոք հպարտ ենք, որ Գերմանիան Հայաստանի համար երկրորդ դոնոր-երկիրն է ԱՄՆ-ից հետո: Մեր երկրները ակտիվորեն համագործակցում են քաղաքական եւ տնտեսական բնագավառներում. դա հանդիսանում է Գերմանիայի կառավարության քաղաքականությունը: Ես էլ չեմ խոսում մշակութային համագործակցության մասին. ցուցահանդեսներ, համերգներ, գերմանական ֆիլմերի ցուցադրություն: Ես վստահ եմ, որ հետագայում Հայաստանի եւ Գերմանիայի հարաբերությունները կզարգանան վերընթաց»,- ընդգծել է գերմանացի դիվանագետը:

Հարցազրույցի տեքստն ամբողջությամբ