ԱՄՆ Պետդեպարտամենտը քննադատել է նախնական համաձայնագիրը դեպի Թուրքիա իրանական գազի առաքման վերաբերյալ, նշելով, որ այժմ հարմար պահ չէ Իրանի էներգետիկայում ներդրումներ անելու համար: Այնուամենայնիվ, ըստ Պետդեպարտամենտի ներկայացուցիչ Շոն ՄըքՔորմակի Իրանի հետ գործարար համագործակցության մասին որոշումը պետք է կայացնի թուրքական կառավարությունը եւ թուրքական կազմակերպությունները: «Իրանը չի ապացուցել, որ հուսալի գործընկեր է նման համաձայնագրի համար»,-նշել է ՄըքՔորմակը, գրում է «Հյուրիեթ» թերթը:

Նշենք, որ Իրանն ու Թուրքիան օրերս հուշագիր են ստորագրել էներգետիկայի ոլորտում համագործակցության շուրջ փոխըմբռնման մասին: Ըստ պայմանավորվածության, Իրանը Պարսից ծոցի բնական գազի Հարավային Պարս հանքավայրի մի քանի օբյեկտներ կփոխանցի թուրքական ընկերություններին, իսկ Իրանը իր բնական գազը Եվրոպա կառաքի Թուրքիայի տարածքով: