Հայաստանի կանանց շախմատի առաջատարներ Էլինա Դանիելյանն ու Լիլիթ Մկրտչյանը մեկնարկային տուրից հետո դուրս են մնացել Թեհրանում ընթացող շախմատի կանանց աշխարհի առաջնությունից:
Մեկնարկային տուրի երկրորդ պարտիայում շախմատիստուհիները պարտություն են կրել Նի Շիգունից (Չինաստան) և Ռութ Պադմինիից (Հնդկաստան) համապատասխանաբար, և երկու պարտիայի արդյունքով դուրս են մնացել 1/32 եզրափակչից, հայտնում է ՀՀ ազգային օլիմպիական կոմիտեն:
1/32 եզրափակիչ մրցաշարի առաջին պարտիաներում Դանիելյանն ու Մկրտչյանը ոչ ոքի էին խաղացել:
Թեհրանում շախմատի կանանց աշխարհի անհատական առաջնության 64 մասնակիցը գլխաշորով են խաղում: Հայաստանի կանանց շախմատի առաջատար Էլինա Դանիելյանը նշել որ, որ թեև կազմակերպիչները թույլատրել են հիջաբի փոխարեն շարֆով ծածկել գլուխը, բայց, միևնույն է, թե´ ինքը, թե´ Լիլիթ Մկրտչյանն իրենց հարմարավետ չեն զգում: