ՀՀ ԱԳ նախարար Վարդան Օսկանյանն այսօր ընդունեց ԵԱՀԿ Մինսկի խմբի համանախագահներ Բերնար Ֆասիեին (Ֆրանսիա), Մեթյու Բրայզային (ԱՄՆ) եւ Յուրի Մերզլյակովին (ՌԴ) եւ ԵԱՀԿ գործող նախագահի անձնական ներկայացուցիչ Անջեյ Կասպրշիկը, հաղորդում է ՀՀ ԱԳՆ մամլո ծառայությունը: Հանդիպմանը քննարկվեցին ԼՂ հակամարտության կարգավորման ներկա ընթացքը, Հայաստանի ու Ադրբեջանի նախագահների վերջին հանդիպումից հետո առկա տարաձայնությունների հաղթահարման եւ դիրքորոշումների մերձեցման հնարավորությունները: Համանախագահները ներկայացրեցին ԼՂ կատարած այցելության եւ ԼՂՀ նոր նախագահի հետ հանդիպման արդյունքները: