Հայաստանի «Շիրակ» ֆուտբոլային ակումբի պատանի ֆուտբոլիստ Վահան Բիչախչյանի անունը հայտնվել է թուրքական Galatasaray ֆուտբոլային ակումբի տրասնֆերային ցուցակում:
Galatasaray-ը փոխարինող է փնտրում պորտուգալացի ֆուտբոլիստ Բրումային, որը պատրաստվում է հեռանալ թուրքական ակումբից, Fotospor թուրքական կայքին հղումով գրում է Ermenihaber.am-ը:
Նշվում է, որ Բիչախչյանը խոստումնալից ապագա ունեցող երիտասարդ է, որին Galatasaray-ի սկաուտները բացահայտել են Եվրոպայի` մինչև 19 տարեկանների առաջնության որակավորման փուլի խաղերի ժամանակ և հոկտեմբերից հետևում են նրա խաղերին: Թուրքական կայքը հայ ֆուտբոլիստի խաղաոճը նմանեցրել է բելգիացի Քևին դե Բրույնեի ոճին:
Թուրքական այլ՝ Բեշիկթաշ ակումբի համար խաղում է Հայաստանի ֆուտբոլի ազգային հավաքականի կիսապաշտպան Արազ Օզբիլիսը: Ֆուտբոլիստը հիասթափված է ակումբում իր կարգավիճակից: Բանն այն, որ նա երկար ժամանակ չի ընդգրկվել թիմի հիմնական կազմում և չի մասնակցել խաղերին:
