ՆԱՏՕ-ին անհանգստացնում են վերջին իրադարձությունները Վրաստանում, հայտարարել է ՆԱՏՕ-ի գլխավոր քարտուղար Յաապ դե Հոոպ Սխեֆերը: «Արտակարգ դրության հայտարարումը եւ մի շարք ԶԼՄ-ների հեռարձակման դադարեցումը Վրաստանում, ում հետ ՆԱՏՕ-ն ինտենսիվ երկխոսություն է իրականացնում, հատուկ անհագստության տեղիք են տալիս եւ չեն համապատասխանում եվրաատլանտյան արժեքներին: Ես Կովկասի հարցով ՆԱՏՕ-ի հատուկ ներկայացուցիչ, դեսպան Ռոբերտ Սիմոնսին հանձնարարել եմ Վրաստանի արտգործնախարարին տեղեկացնել, որ Դաշինքը գտնում է, որ բոլոր կողմերը պետք է զուսպ լինեն, խուսափեն բռնություններից եւ գործեն օրենքի շրջանակներում»,- ընդգծվում է հայտարարության մեջ, հաղորդում է ՆԱՏՕ-ի մամլո ծառայությունը: