ՄԱԿ-ի գլխավոր քարտուղար Պան Գի Մունը հայտարարել է, որ դեռեւս չի կարող պաշտպանել Կոսովոյում Եվրամիության խաղաղապահ ուժերի տեղակայման գաղափարը: Ելույթ ունենալով Սլովենիայում երկրի վարչապետ Յանեզ Յանշայի հետ բանակցություններից հետո` Պանի Գի Մունը ընդգծել է, որ միջազգային հանրությունը խորը հակասություններ ունի Կոսովոյի կարգավիճակի հարցով, հաղորդում է «Ազատություն» ռադիոկայանը:

Կոսովոյի ղեկավարությունը, որը ներկայացնում է տարածաշրջանի ալբանական մեծամասնությունը մտադիր է առաջիկայում հայտարարել Սերբիայի կազմից դուրս գալու մասին: ՄԱԿ-ի Անվտանգության խորհրդում այդ հարցով համաձայնություն չկա: