Ֆրանսիայի իշխող Ժողովրդական շարժում կուսակցության 11 պատգամավոր հայտարարություն են ընդունել Եվրամիությանը Թուրքիայի անդամակցության հարցով: Հայտարարության մեջ ընդգծվում է, որ Թուրքիայի ընդունումը բացասաբար կազդի ԵՄ բյուջեի վրա: «Որպեսզի Եվրամիությունը սահմաններ ունենար եւ գոյատեւեր քաղաքական տեսանկյունից, անհրաժեշտ է միջոցների դիմել կառույցին Թուրքիայի անդամակցությունը կանխելու համար»,- ասվում է հայտարարության մեջ: Դրանում նաեւ նշվում է, որ ֆրանսիացիների 71 տոկոսը եւ գերմանացիների 66 տոկոսը դեմ են Թուրքիայի անդամակցությանը Եվրամիությանը: «Թուրքիան, որը սահմանակից է Սիրիային, Իրաքին եւ Ադրբեջանին, չի կարող ընդունվել Եվրամիություն: Եվրոպան առանց սահմանների նշանակում է եվրոպական քաղաքական մտածողության վերջակետը: Թուրքիայի ընդունումը կազմակերպությունների անդամների շարք, մեծ սխալ է»,- ասվում է հայտարարության մեջ, հաղորդում է ԱՊԱ-ն: