«Բարսելոնայի» կիսապաշտպան Անդրես Ինյեստան չի հաստատել այն տեղեկությունը, որ ակումբի հետ պայմանագիրը երկարացնելու վերաբերյալ պայմանավորվածություն է ձեռք բերվել:
Ավելի վաղ կատալոնական ակումբի նախագահ Ժոզեպ Բարտոմեուն հայտնել էր, որ ակումբն ու ֆուտբոլիստը համաձայնության են եկել:
Պատասխանելով այն հարցին, թե իրոք պայմանագիրը համաձայնեցվել է՝ 33-ամյա կիսապաշտպանը կարճ պատասխանել է. «Ոչ», գրում է Sports.ru-ն:
«Բարսելոնայի» հետ Ինյեստայի գործող պայմանագրի ժամկետը սպառվում է 2018-ի ամռանը: