ԱՄՆ Սենատը կընդունի ՆԱՏՕ-ին Վրաստանի եւ Ուկրաինայի անդամակցությանը սատարող հայտարարություն: Այդ մասին Թբիլիսիի օդանավակայանում հայտարարել է Վրաստանի փոխվարչապետ Գիորգի Բարամիձեն` վերադառնալիս Մյունխենում կայացած անվտանգության գծով խորհրդաժողովից: «Այդ հարցը քննարկվել է Վրաստանի նախագահ Միխաիլ Սահակաշվիլիի եւ ԱՄՆ պետքարտուղարի օգնական Դենիել Ֆրիդի հանդիպմանը եւ մենք հավաստիացումներ ենք ստացել, որ ԱՄՆ-ն կաջակցի մեզ այդ կազմակերպությանն անդամակցելու գործում»,-ասել է նա: Վրաստանի փոխվարչապետը հաղորդել է, որ հանդիպմանը քննարկվել են նաեւ հայ-վրացական հարաբերություններին առնչվող հարցեր, ինչպես նաեւ վրաց-ռուսական հարաբերությունների հնարավոր զարգացումները, հաղորդում է «Թրենդը»: