Ինֆորմացիոն տեխնոլոգիաների ձեռնարկատիրությունների միության «Բիզնես ինովացիոն ֆորում 2017»-ը կանցկացվի Դիլիջանում՝ նոյեմբերի 10-11-ին:
Եվրոպական միության և GIZ-ի (Գերմանիայի միջազգային համագործակցության ընկերություն) համաֆինանսավորմամբ Հայաստանում փոքր ու միջին ձեռներեցությանն աջակցող՝ Suppoert to SME Development of Armenia նախագծի շրջանակում անցկացվող ամենամյա ֆորումն այս տարի կրելու է «Դեպի նոր իրականություն» խորագիրը:
Ֆորումը տեխնոլոգիական նորարությունների, գործարար ներկայացումների շուրջ է համախմբելու մոտ 200 հայաստանցի և միջազգային ձեռներեցների, ՏՏ ոլորտի փորձագետների:
Ֆորումի ընթացքում կքննարկվի Հայաստանում թվային տրանֆորմացիայի և նորարարական համակարգի օրակարգը, կներկայացվեն հաջողության պատմություններ, հարթակ կստեղծվի գործարար հանդիպումների և համագործակցության համար:
«Բիզնես ինովացիոն ֆորումը» Հայաստանում անցկացվում է 2013 թվականից:
