4 մարտի 2008 - 14:00 AMT
ՀՀ ԶՈՒ գլխավոր շտաբ. Հայ-ադրբեջանական սահմանին որեւէ նախադեպ վերջին օրերին չի եղել
«Ադրբեջանական բանակը զորավարժություններ է անցկացնում անմիջապես Լեռնային Ղարաբաղի սահմանի մոտ եւ, ամենայն հավանականությամբ, շփման գծում որոշ լարվածություն կա հենց այդ պատճառով»,- Երեւանում մամլո ասուլիսի ժամանակ հայտարարել է ՀՀ ԶՈՒ գլխավոր շտաբի ղեկավար գեներալ-գնդապետ Սեյրան Օհանյանը: Նրա խոսքերով, հայոց բանակը լիովին վերահսկում է իրավիճակը սահմանին: «Հայաստանը յուրահատուկ դիրք ունի. մեր բանակը պետք է պաշտպանի սահմանները, եւ մեր հիմնական ուշադրությունը ուղղված է հենց դրան: Մենք գիտենք, որ Ադրբեջանում զորավարժություններ են անցկացնում, եւ մեր ստորաբաժանումները գտնվում են մարտական բարձր պատրաստականության մեջ»,- ընդգծել է Օհանյանը, հավելելով, որ որեւէ նախադեպ վերջին օրերին չի եղել: