ՀՀ ԱԺ Հայաստան-Իսրայել բարեկամական խմբի Իսրայել կատարած այցի շրջանակում քննարկվել է Հայաստան-Իսրայել առևտրաարդյունաբերական համագործակցությունը։ Այդ մասին հայտարարել է պատվիրակության կազմում ընդգրկված պատգամավոր Գագիկ Մելիքյանը:
Նա հավելել է, որ Իսրայելը բավականին հետաքրքրված է ազատ տնտեսական գոտու ստեղծմանը մասնակից լինելու հարցով, հայտնում է Aysor.am-ը:
«Իսրայելական կողմը, նկատի ունենալով Հայաստանի անդամակցությունը ԵՏՄ-ին, բավականին հետաքրքիր առաջարկությամբ է հանդես եկել՝ ազատ տնտեսական գոտու ստեղծմանը մասնակից լինել և այդ գոտում տնտեսական գործունեություն իրականացնել», - լրագրողների հետ զրույցում նշել է Գագիկ Մելիքյանը։
Պատվիրակության կազմում են եղել պատգամավորներ Գագիկ Մելիքյանը, Աղվան Վարդանյանը, Վահե Էնֆիաջյանն ու Գևորգ Գորգիսյանը։ Պատվիրակությունը ղեկավարել է Գագիկ Մինասյանը։