Եվրահանձնաժողովն առաջարկում է Շենգեն գոտու վիզայի վճարները ներկայիս €60-ի փոխարեն հասցնել €80-ի: Այս մասին հայտնում է ԵՄ ներքին, միգրացիոն և քաղաքացիության հարցերով եվրահանձնակատար Դիմիտրոս Ավրամոպուլոսը:
Ռուսաստանյան «ՌԻԱ Նովոստի» գործակալության փոխանցմամբ, Եվրահանձնաժողովի մամուլի ծառայությունից հայտնել են, որ առաջարկվող փոփոխությունները չեն անդրադառնա մի շարք երկրների՝ այդ թվում Հայաստանի, Ռուսաստանի և Ադրբեջանի վրա: Այս երկրների քաղաքացիները նախկինի պես շենգենյան վիզայի համար կվճարեն €35:
«Այս չափը հաստատվել է ԵՄ-ի և մի շարք երրորդ երկրների միջև վիզային ռեժիմի դյուրացման ուղղված համաձայնագրերով»,- հայտնել են Եվրահանձնաժողովից:
Նշվում է, որ շենգենյան վիզայի թանկացումն անհրաժեշտ է անվտանգության ուժեղացման և վիզայի տրամադրման համակարգի բարեփոխման համար: Եվրահանձնաժողովը մշակվում է ԵՄ վիզային կանոնների բարեփոխումներ, որոնք պետք է հեշտացնեն շենգենյան տարածք մուտքն օրինական ճանապարհորդողների համար:
Նախատեսվում է վիզա ստանալու հայտադիմումը ներկայացնելու ամբողջ գործընթացը դարձնել էլեկտրոնային:
