Հայտնի ռուսաստանցի հաղորդավար,Անդրեյ Ռազիգրաևը ռուսական «Մուզ ՏՎ»-ի «Արձակուրդ առանց ուղեգրի» հաղորդաշարի հերթական թողարկման մեջ պատմում է Հայաստան այցելության մասին՝ ներկայացնելով եզակի զիփլայնը, հեթանոսական Գառնին, ժայռափոր Գեղարդը, երևանյան Կասկադը, համեղ և բազմազան ուտեստներով լի շուկաները:
Նա ռեպորտաժում ցույց է տալիս այն առաջնահերթ վայրերը, ուր պետք է անպայման այցելի Հայաստան եկող զբոսաշրջիկը՝ «Մեգերյան կարպետ» ընկերություն, Խոր Վիրապ, Zipline, Հյուսիսային պողոտա, Գառնի, Երևանի կենտրոնական շուկա: Ի դեպ, ըստ Ռազիգրաևի, Հյուսիսային պողոտան Երևանի ամենաէլեգանտ փողոցն է:
«Չնայած Երևանը 29 տարով մեծ է Հռոմից, այստեղ նավթալինի հոտ չի գալիս»,-այսպես է սկսում իր հաղորդումը Ռազիգրաևը:
Հաղորդավարը շրջում է Երևանում, հուշանվերներ գնում, հայկական գինի համտեսում, իսկ շուկայում չրեր և սուջուխ վաճառող կանայք հյուրասիրում են նրան համեղ և քաղցր ուտեստներով:
Ռազիգրաևը եղել է նաև Ենոքավանում և Սևանում: