Ոստիկանությունը շարունակելու է օրենքով սահմանված կարգով բերման ենթարկել բոլոր այն անձանց, ովքեր թույլ են տալիս հասարակական կարգի դեմ ուղղված իրավախախտումներ: Այդ մասին ասվում է ոստիկանության տարծած հայտարարության մեջ:
Եթե վարչական ձերբակալման օրենքով սահմանված ժամկետում բերված անձինք ազատ չեն արձակվում, ապա ընդունել ի գիտություն, որ նախաքննության մարմնի միջոցով ստուգվում է նրանց մասնակցությունը կատարված հանցագործություններին:
Ապրիլի 19-ի վաղ առավոտից ընդդիմության ներկայացուցիչները հավաքվել էին Հանրապետության հրապարակում՝ նպատակ ունենալով արգելափակել կառավարական շենքերի մուտքերը: Ոստիկանությունից PAN-ին հայտնել են, որ ժամը 10։00 դրությամբ բերման է ենթարկվել 20 մարդ՝ Կենտրոն, Էրեբունի և Արաբկիր բաժիններ։