2 մայիսի 2018 - 19:03 AMT
Վահրամ Բաղդասարյան․ ՀՀԿ-ն կքվեարկի ընդդիմության թեկնածուի օգտին

Իշխող Հանրապետական կուսակցությունը կսատարի պատգամավորների 1/3-ի առաջադրած թեկնածուին մայիսի 8-ի ընտրություններում։ Այդ մասին է հայտարարել ՀՀԿ խմբակցության հղեկավար Վահրամ Բաղդասարյանը։

«Հայաստանի Հանրապետությունը մայիսի 8-ին ունենալու է սահմանադրական ճանապարհով ընտրված վարչապետ։ ՀՀԿ-ն թեկնածու չի առաջադրելու և աջակցելու է խորհրդարանի 1/3-ի կողմից առաջադրված թեկնածուին դառնալ վարչապետ», - ասել է նա։

Հայտարարությունում ՀՀԿ-ն նաև կոչ է անում «անհապաղ վերացնել տիրող անընդունելի վիճակը, բացել մայրաքաղաքի փողոցներն ու մայրուղիները, շտապ դադարեցնել օդանավակայանի հերթական շրջափակումը, դադարեցնել անհանդուրժողականության քարոզնո ւ վերադառնալ սահմանադրաակն ճանապարհով ենթադրվող քննարկումների դաշտ»:

ՀՀԿ-ն նախքան որոշումը հանդիպում էր անցկացրել երրորդ նախագահ Սերժ Սարգսյանի հետ։ Մայիսի 1-ին կուսակցությունը տապալել էր վարչապետի ընտրությունները՝ դեմ քվեարկելով Նիկոլ Փաշինյանի թեկնածությանը։