«Արտահերթ խորհրդարանական կամ նախագահական ընտրությունների անցկացման մեջ ահավոր ոչինչ չկա: Սակայն դա չպետք է ինքնանպատակ լինի»,- Երեւանում մամլո ասուլիսի ժամանակ հայտարարել է ՀՀ նախագահի նախկին թեկնածու Արման Մելիքյանը: «Արտահերթ ընտրությունների անցկացմանը պետք է մասնակցեն հանրապետության բոլոր քաղաքական ուժերը եւ այդ որոշումը պետք է հիմնված լինի այդ ուժերի կոնսենսունսի վրա»,- նկատել է Արման Մելիքյանը: Նա Հայաստանում ձեւավորված քաղաքական կոալիցիան եւ կառավարությունը որպես անցումային է որակել, որի գլխավոր նպատակը կլինի փոխհամաձայնության մթնոլորտի ստեղծումը:

Հիշեցնենք, որ վերջերս Հայաստանի նախագահ Ռոբերտ Քոչարյանը հայտարարել է, որ երկրում արտահերթ նախագահական ընտրություններ չեն լինի: «Արտահերթ ընտրությունների անցկացման պահանջը թյուրիմացություն է»,- ընդգծել է Ռոբերտ Քոչարյանը: