Մերձմոսկվայում 19-ամյա հայաստանցի Արթուր Սարդարյանի սպանության գործով կայացված արդարացնող դատավճիռն ուժի մեջ է թողնվել: Ռուսաստանի Գերագույն դատարանը մերժել է այդ քրեական գործով պաշտպանության եւ պետական մեղադրողի բողոքարկումը, որը քննվել է ատենակալների կողմից Մոսկվայի շրջանային դատարանում:

Այդպիսով, օրինական ուժի մեջ մտավ ընթացիկ տարվա փետրվարին ատենակալների որոշման հիման վրա երկրորդ անգամ կայացված արդարացնող դատավճիռը երիտասարդի հանդեպ, որին մեղադրում էին Ռուսաստանի քաղաքացի, ծնունդով հայաստանցի 19-ամյա Սարդարյանի սպանության համար:

Ըստ դատախազության վարկածի, 2006թ. մայիսի 25-ին երկու երիտասարդներ Մոսկվա-Սոֆրինո էլեկտրագնացքում տեսել են Սարդարյանին: Նրանք որոշել են հաշվեհարդար տեսնել նրա հետ, քանի որ «ատելություն եւ թշնամանք էին զգում կովկասցիների հանդեպ»,-հաղորդում է The New Times-ը: