Հայաստանի կառավարության նոր կազմը, հավանաբար, հայտնի կդառնա ապրիլի 15-ին: Ինչպես PanARMENIAN.Net-ին է հաղորդել լավատեղյակ աղբյուրը ՀՀ կառավարությունում, կնշանակվեն Ազգային անվտանգության ծառայության եւ ՀՀ Ոստիկանության նոր ղեկավարներ: «Ոստիկանությունը կվերափոխվի նախարարության: Պաշտպանության նախարարի պարտականությունները կշարունակի կատարել Միքայել Հարությունյանը: Կպահպանեն իրենց պաշտոնները նաեւ Դաշնակցությունը ներկայացնող նախարարները` Լեւոն Մկրտչյան (Կրթության եւ գիտության նախարարություն), Դավիթ Լոքյանը (Գյուղատնտեսության նախարարություն): Կստեղծվի երկու նոր նախարարություն` Սփյուռքի եւ գիտության»,-նշել է աղբյուրը:

Ըստ ՀՀ Սահմանադրության նոր նախագահը պաշտոնը ստանձնելուց հետո 10 օրվա ընթացքում պետք է ներկայացնի վարչապետի թեկնածությունը, որը 20 օրվա ընթացքում պետք է նոր կաբինետի կազմը ներկայացնի խորհրդարանի հաստատմանը: Հայաստանի վարչապետ է նշանակվել է Հայաստանի ԿԲ նախագահ Տիգրան Սարգսյանը: