ՀՀ քննչական կոմիտեի նախագահ Հայկ Գրիգորյանը, անդրադառնալով ԱԱԾ տնօրենի և ՀՔԾ պետի գաղտնալսված հեռախոսազրույցին, լրագրողների հետ զրույցում նշել է, որ արդեն իսկ կազմվել է հարցաքննվող անձանց շրջանակը. նա հավաստիացրել է, որ գաղտնալսման պատվիրատուի բացահայտման հետքի վրա են:
Ըստ Գրիգորյանի, կատարվել և կատարվում են բազմածավալ քննչական և դատավարական գործողություններ, սակայն գործի առանձնահատկություններից ելնելով այս փուլում ճիշտ չի համարում խոսել կատարվող գործողությունների մասին:
«Հաշվի առնելով ծանրաբեռնվածությունը և Ֆրանկոֆոնիայի գագաթնաժողովի միջոցառումը՝ կանդրադառնանք դրանից հետո: Համապատասխան հարցումները կատարվել են, փորձաքննությունները նշանակվել են բոլոր հանգամանքները բացահայտելու ուղղությամբ», - եզրաձակել է Գրիգորյանը:
Ավելի վաղ համացանցում է հայտնվել ԱԱԾ տնօրեն Արթուր Վանեցյանի և ՀՔԾ պետ Սասուն Խաչատրյանի հեռախոսազրույցը Մարտի 1-ի գործով մեղադրյալների վերաբերյալ: ՀՔԾ պետը հայտարարել էր, որ ձայնագրության հրապարակելը նպատակ ունի խոչընդոտելու Մարտի1-ի գործի քննությանը:
