EAFJD-ն հանդես է գալիս եվրոպական կառույցներին Հայաստանի առավել սերտ ինտեգրման օգտին
Եվրոպայի հայերի դաշնությունը (EAFJD) հանդես է գալիս եվրոպական կառույցներին Հայաստանի, Ադրբեջանի, Վրաստանի, Մոլդովայի, Ուկրաինայի եւ Բելառուսի առավել սերտ ինտեգրման օգտին: Այդ մասին հայտարարել է Եվրոպայի հայերի դաշնության գործադիր տնօրեն Լորան Լեյլեկյանը` մեկնաբանելով Լեհաստանի ԱԳՆ ղեկավարի նախաձեռնությունը «ԵՄ-Արեւելյան Եվրոպայի երկրներ» նոր դաշինքի ստեղծման վերաբերյալ: Նրա խոսքերով, ԵՄ-ին անդամակցելու գաղափարը մնում է հեռավոր եւ դիֆերենցված տարբեր պետությունների համար, «սակայն նախապես այն երբեք այդքան հստակ չի հաստատվել: Դա դրական է Եվրոպայի համար, որը լավ է ընկալվում տարածաշրջանում, սակայն նա շատ է պահանջում, եւ փոխարենը չափազանց քիչ բան առաջարկում»,-հավելել է նա:
