Իրանում 8-9 բալ ուժգնությամբ երկրաշարժ է տեղի ունեցել:
Նոյեմբերի 25-ին` տեղական ժամանակով ժամը 20:37-ին (Գրինվիչի ժամանակով` ժամը 16:37-ին) ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է 6.3 մագնիտուդով երկրաշարժ:
Երկրաշարժը գրանցվել է հյուսիսային լայնության 34.310 և արևելյան երկայնության 45.730 աշխարհագրական կոորդինատներով (Իրան-Իրաք սահմանային գոտի, Սարպոլ-է Զահաբ քաղաքից 21 կմ հարավ-արևմուտք): Օջախի խորությունը 10 կմ է:
Ըստ ՌԻԱ Նովոստի գործակալության, տուժածների թիվը մոտ 550 է: Ստորգետնյա ցնցումները զգացվել են նաև Ադրբեջանում: