ՀՀ կառավարությունը դեկտեմբերի 20-ի նիստում հաստատել է Հայաստանի և Եվրամիության միջև ստորագրված «Հայաստանում միջուկային անվտանգության խթանման և սթրես-թեստերի իրականացման առաջարկությունների մասին» ֆինանսավորման համաձայնագիրը:
Համաձայնագրի գործողության նախապես գնահատված ընդհանուր արժեքը կազմում է €6.5 մլն: Համաձայնագրի կատարման ժամկետն 96 ամիս է:
ՀՀ և ԵՄ միջև միջուկային անվտանգության ոլորտում էներգետիկ գործակցությունը սահմանված է 2017 թվականի նոյեմբերի 24-ին ստորագրված՝ «Հայաստանի Հանրապետության և Եվրոպական միության միջև Համապարփակ և ընդլայնված գործընկերության» համաձայնագրի դրույթներով: